98. Рогів, 1548 р.

Михайло Грушевський

Кор[оль] Жиґимонт Август наказує державцеві с. Рогів в Сяноччині не обтяжати селян понад торунську уставу, 4 серпня 1548 р.

Sigismundus Augustus, Dei gratia rex Poloniae, magnus dux Lithwaniae, Russiae, Prussiae, Mazouiae etс. dominus et heres.

Generoso Iohanni Tharllo de Sczekarzovycze, tenutario nostro pilznensi, fideli dilecto gratiam regiam! Generose fidelis dilecte! Cum quererentur hie in praesentia fidelitatis tuae incolae villae Rogy tenutae fidelitatis tuae, ad capitaneatum Sanocensem pertinentis, quod eos fidelitas tua ad labores quotidianos et ad nendum cogeret, reparationes piscinae, quas alii tenutarii sumptis suis comparabant, eos facere iuberet, usum silvarum pro domestica eorurn necessitate, quem antea liberum habebant, minime eis nonnisi soluto precio admitteret, ad vecturas lignorum plures quam soliti sint et ad alia onera indebita eos adigeret, – vicissim quoque fidelitas tua allegaret, quod tam ad labores obeundos, quam ad alia onera non amplius eos cogeret nisi iuxta veterem consuetudinem refferretque laneos eiusdem villae nondum emensuratos esse, qui si emensurationem atque iuxta statutum torunensem ex laneo uno singuli diem unum in septimana laborarent, nobis et labores maiores et census uberiores ex eadem villa provenirent, peteretque, ut ad eandem emensurationem laneorum faciendam commissarios nostros designaremus, qui quoniam eo tempore, quo messes peragerentur ob segetes ex agris nondum collectas per nos mitti ad negotium eiusmodi emensurationis non possent, nos eos alio tempore, quo ex agris segetes colligerentur, missuri sumus.

Interim autem fidelitas tua subditos eos nostros in laboribus eis, quos ex debito et solito usu obire tenentur, conservet neque ad indebita onera illos adiget adigique faciat, pro officio suo et gratia nostra fidelitas tua factura.

Datum Cracoviae sabbato ante festum sancti Laurentii anno Domini MDXLVIII, regni nostri XIX. Ad mandatum sacrae regiae maiestatis proprium.

Грамоту вписано до книг сяноцького ґроду в 1553 p. «per prouidos Benedictum Subostrowski iuratum et Mathiam Pietruska» з Рогів – Львів[ський] краєв[ий] арх[ів], кн. сяноцьк[ого] ґр[оду] 16, с. 847 = [кн.] 24, с. 118.

Примітки

…с. Рогів… – тепер с. на території Польщі; перша згадка датується 1485 p. (Dąbkowski P. Podziat administracyjny. – S. 154).

Подається за виданням: Грушевський М.С. Твори у 50-и томах. – Львів: Світ, 2005 р., т. 7, с. 251 – 252.