Початкова сторінка

Михайло Грушевський

Енциклопедія життя і творчості

?

97. Бесько, 1548 р.

Михайло Грушевський

Кор[оль] Жиґимонт Авґуст наказує адміністратору Сяноцького староства не обтяжати селян с. Беська і Вороблика понад старий звичай, 22 липня 1548 р.

Sigismundus Augustus, Dei gratia rex Poloniae, magnus dux Lithuaniae, Russiae, Prussiae, Mazouiae etс. dominus et heres.

Generoso Stanislao Bal, succamerario et surrogato sanocensi fideli dilecto gratiam regiam! Generose fidelis dilecte! Fuerunt hie apud nos incolae villarum nostrarum Biesczana et Wrobliczana, ad capitaneatum Sanocensem pertinentium, querentes, quod licet ex antiqua consuetudine ad labores praediales obeundos predii Biesczana quinque villae: Hoczow, Hiskrzina, Krosczien, Biesczana et Wrobliczana coniunctim astricte erant, nunc tamen ipsae tantum duae villae Biesczana et Wrobliczana praeter solitum usum astringantur, reliquae vero villae tres partem maiorem laborum debitorum pecuniis solvant, ad trabes conducendas et ad dationem avenae per unum coretum et per duos gallos insolite cogantur; pascua, quae libera antiquitus eis erant in campis, pratis et silvis, nunc vero nisi soluto pretio admittantur; decurioni, qui ex medio ipsorum ad labores custodiendos eligitur, ad laborandum compellantur; cum alter ab altero iumentum pro necessitate sua emerit, ad dandum theloneum factori suo, et ad coemptionem ollarum pro curiae necessitate singulis diebus forensibus, cumque aliqua ex ollis in vehendo concutitur, a singulis per grossos duos dare adigantur.

In prato, quod iuxta prata predalia habent, ex immissione equorum decurionis inconsueta multa incommoda sustineant. Inquilini ipsorum ad labores indebitos astringantur, et quamvis pollicitum sit eis in locum ademptorum quinque hortorum pro extructione molendini agros alios dare, nihil tamen hucusque datum eis esse.

Quod si quidem ita sit, ut queruntur, non sine gravi iniuria eorum ageretur. Quare mandamus fidelitati tuae, ut eosdem incolas in laboribus ex veteri consuetudine solitis conservet, ad trabes convehendas et dationem avenae et gallorum insolitam preter aequum ne eos cogi permittat, usum pascuorum liberum, ut solitum est, theloneumque a iumentis, quae pro necessitate sua coemunt, accipere, et ad ollas coemendas aut inquilinos eorum ad laborandum ne astrictos faciat, decurioni quoque laborem indebitum prohibeat et ab eo in pratis illorum ne damnum inferri admittat; preterea in locum ademptorum quinque hortorum agros alios eis dare faciat et ab iniuriis aliis eos vindicet, pro gratia nostra et officio suo secus non factura.

Datum Cracoviae ipso die festo sanctae Mariae Magdalenae anno Domini MDXLVIII, regni nostri XIX. Ad mandatum sacrae regiae maiestatis proprium.

Вписано до книг сяноцького ґроду 27/VII того ж року «per laboriosos Ivan Holdis, Ihnath Kopincze de villa Besko et Olexa advocatum ac Ivasko iuratum de villa Wroblyk nomine tocius comunitatis earundem villarum Besko et Wroblyk» – Львів[ський] краєв[ий] архів, кн. сяноцьк[ого] ґроду 15, с. 1006.


Примітки

…селян с. Беська і Вороблика… – тепер м. та с. на території Польщі; перше відоме в джерелах із 1419 р, а друге – із 1425 р. (Słownik historyczno-geograficzny ziemi sanockiej w średniowieczu / Wyd. A.Fastnacht; do dr. przygot. A.Fastnacht-Stupnicka і A.Gąsiorowski. – Brzozόw, 1991. – Cz. 1. – S. 37 – 40; Cz. 3. – S. 242).

…villae: Hoczow, Hiskrzina, Krosczien, Biesczana et Wrobliczana… – ідентифіковано існуючі тепер села , , Krościenko Wyżne, Wrόblik на території Польщі.

Подається за виданням: Грушевський М.С. Твори у 50-и томах. – Львів: Світ, 2005 р., т. 7, с. 250 – 251.