Початкова сторінка

Михайло Грушевський

Енциклопедія життя і творчості

?

89. Кам’янець-Подільський, 1543 р.

Михайло Грушевський

Кор[оль] Жиґимонт оповіщає про звільнення міщан камінецьких від усіх мит, 17 марта 1543 p.

Sigismundus, Dei gratia rex Poloniae, magnus dux Lithuaniae, Russiae, Prussiae, Mazowiae etс. dominus et heres.

Universis et singulis regni et dominiorum nostrorum dignitariis, officialibus, palatinis, castellanis, capitaneis, tenutariis, vicecapitaneis, burgrabiis, teloneorum quorumvis prefectis, notariis, custodibus, exactoribus ac eorum substitutis, civitatum et oppidorum rectoribus, proconsulibus, consulibus ceterisque omnibus, ad quorum notitiam hae nostrae pervenerint litterae, fidelibus dilectis gratiam nostram regiam! Sincere et fideles nobis dilecti! Manifestum testatumque vobis facimus, quia nos certis ex causis et respectibus, animum nostrum regium moventibus, dedimus ad voluntatis nostrae beneplacitum et contulimus libertatem et immunitatem famatis civibus et incolis omnibus et singulis camenecensibus a solvendis pendendis in regno et dominiis nostris tarn novis et antiquis quam aliis quibusvis vectigalibus et teloneis ac eosdem ab eiusmodi teloneorum et vectigalium solutione liberos, exemptos et immunes fecimus et pronunciavimus, quare vobis et vestrum cuilibet id denunciamus severe mandantes, ut eosdem cives nostras camenecenses hie in libertate conservetis et manuteneatis et a suis conservari mandetis nullaque telonea deinceps et vectigalia ab eis, sive ii romani, sive graeci, armenici ritus sint, aut eorum rebus et mercibus, cuiuscunque eae generis fuerint et speciei, exigatis neque ab aliis patiamini, sed eos una cum mercibus omnibus libere et absque omni impedimento ac telonei cuiusvis solutione per omnia teloneorum loca ire, proficisci et transire permittatis et ab aliis permitti faciatis – ad voluntatis nostrae regiae beneplacitum secus non facturi pro fide vestra et gratia nostra.

Datum Cracoviae in conventione generali sabbato ante ramispalmarum anno Domini MDXLIII, regni nostri anno XXX septimo. Ad mandatum sacrae regiae magestatis proprium.

Вписано до львівських ґродських книг 28/ІІІ того ж року – Львів[ський] краєв[ий] архів, кн. львів[ського] ґроду 20, с. 462.


Примітки

Подається за виданням: Грушевський М.С. Твори у 50-и томах. – Львів: Світ, 2005 р., т. 7, с. 242 – 243.