38. Завадка

Михайло Грушевський

Кор[олева] Ізабела надає парафію в с. свящ[енику] Ігнату, в сумі 32 зл[отих], і потверджує права його родини на млин в тім же селі. 18 червня 1556 р.

Isabella Dei gratia regina Hungariae, Dalmatiae, Croatiaeque etс. Significamus tenore praesentium quorum interest universis. Quia nos habentes commendatam probitatem et peritiam religiosi Ichnath de Terszow, eidem ex gratia nostra reginali poponatum in villa nostra Zawadka capitaneatus Samboriensis dandum et conferendum duximus, damusque et conferrimus literis nostris praesentibus cum curiola, alias z dworzysczem, ad eundem poponatum ac eius synagogam antea assignata et ad ipsum pertinenti, ac cum omnibus eiusdem poponatus pertinentiis et attinentiis, ipsum quomodolibet spectantibus et pertinentibus.

Insuper damus et coferimus eidem Ichnath ad poponatum praefatum medietatem montis seu agri dicti Zawadka Gorna, in quo ecclesia seu synagoga sita est, inscribentes eidem Ichnatio poponi in ipso poponatu triginta duos florenos monetae et numeri polonicalis, dantesque illi, prout praesentibus, quantum ex nobis est, damus omnimodam facultatem synagogam in villa nostra Zawadka ac poponatum praedictum administandi et fructus omnes et prouentus ad eandem sinagogam atque eius popones quomodolibet ex antiquo pertinentes pro se tollendi, percipiendi et in usus suos beneplacitos conuertendi iuxta consuetudinem in talibus seruari solitam, saluis nihilominus remanentibus tributis, censibus et allis iuribus nostris, nobis more aliorum poponum eiusdem districtus pendi solitis.

Vltra hoc autem damus et concedimus eidem Ichnatio poponi ac patri eius Vaskoni Drobysz et fratribus eius Ichnatii, videlicet Iwano, Iaczkoni et Mathiae, molendinum in villa nostra Terszow, de quo antea praedictus Vasko Drobysz soluebat annuatim florenos nouem et grossos decemocto, quia vero villae, quae in eodem molendino molebant, iam sua molendina habent, in quibus moliunt, et ab ipso molendino sunt auersae, quam ob causam ad soluendum censum solitum suprascriptum sufficere non possunt, ideo illis de censu praedicto minuimus et dimittimus flor[enos] quatuor et grossos decern octo, ita quod de predicto molendino nobis et tesauro nostra singulis annis non plus tantum florenos quinque in moneta soluere tenebuntur.

Ad quem molendinum adiungimus et adscribimus alteram medietatem montis seu agri supra nominati dicti Zawadka gora, eo quod agrum et molendinum praedictum, ex antiquo pertinentia et inter agros praedii nostri castrensis iacentia, agris praedialibus est adiunctum ab eoque molendino ademptum, in recompensam uero praefatam medietatem montis praenominati illis dedimus, prout praesentibus uteris nostris damus. De quo quidem agro seu monte dicto Zawadka gora habebunt liberam viam et transitum alias wyiazd per agros et prata praedii nostri castrensis ad aquam seu fluuium Niestr, quod etiam illis concedimus praesentibus Uteris nostris. In quorum omnium fidem et testimonium sigillum nostrum praesentibus est subappensum.

Datum Leopoli die octaua iulii anno Domini millesimo quingentesimo quinquagesimo sexto (л. 438 v. – 439).

Сю грамоту потвердив кор[оль] Жиґимонт Август 16/IV. 1562 p. (ibid.).

Примітки

Подається за виданням: Грушевський М.С. Твори у 50-и томах. – Львів: Світ, 2005 р., т. 7, с. 50 – 51.