1. Королівський суд зносить рішення комісарів в справі претензій низових козаків до переяславських міщан, як постановлене неформально, під пресією козаків. 18 січня 1592 р.
Михайло Грушевський
Знесене декрету комисарского з мещанъ переяславскихъ.
Жикгимонтъ третий.
Ознаймуемъ тым листомъ etc., иж кгды ся приточила справа перед нас и суд нашъ за отосланемъ уроженыхъ Якуба Претфица старосты нашого трембовелского, Никодема Косаковского дворянина нашого и Яна Кри-шовского, комисаровъ нашихъ, которие на узнане шкодъ вшелякихъ и кривдъ, особамъ которымъ колвекъ украинным через козаки низовые по-чиненыхъ, назначены и через нас депутованы были, межи тыми ж козаками низовыми з одное а мещаны переяславскими з другое сторон, якобы тые то мещаны переяславские козаковъ низовыхъ побити и речей ихъ немало побрати мели, и кгды помененые комисаре наши до местечка Василкова на узнане тое справи и чинене справедливости зъехалисе были, тые то козаки, которыхъ на тоть часъ килка соть особъ тамже з стрелбою было, не помнечы на срокгость права посполитого такъ противъ комисаровъ яко пристоитсе не заховали, але и другую сторону свою противную кгвалтовне прочъ отстрихнули и отгрозили, зачимъ тые ж комисари наши, яко козаки хотели, полторакротъ сто тисячей копь грошей литовских на мещанех переяславских за шкоды якиесь кром вшеляких доводовъ шкрутинѣй и стопнев правныхъ учинити мусели, што есмо з реляцыи устное тых то комисаровъ нашихъ достаточно зрозумели, – на року тогды теперешнемъ, который за отосланемъ помененыхъ комисаровъ наших на день пятнадцатый месяца генваря в року теперешнемъ деветдесят второмъ перед нами припалъ, мещане переяславские через умоцованых своих урожоныхъ Яна Свентославского и Мартина Грабковича, слугъ ясневелможного Констентина княжати Острозского, выводы киевского, маршалка земли Волынское, старосты нашого володимерского, помененыхъ козаковъ по три кротъ до права приволати дали, нижли они сами через себе не стали ани через умоцованого своего такъ стороне яко и судови ничого ведити не дали.
В далшомъ поступку умоцованые мещанъ переяславских, выводечи кгвалтовный и примушоный сказ комисарский, просили, абы з них знесен былъ. Мы тогды вырозумевши з устное реляцыи помененыхъ комисаровъ нашихъ декреть ихъ за примушенемъ от козаковъ и за острыгненемъ от права другое стороны, такъже без доводу от потомков побитых и теж без шкрутинѣй, з несносною сумою пенежною, которая в такой справе не идетъ, быт учиненый, яко кгвалтовный и неправный касуемо, умораем и в нивечъ оборочаем, а видечи такъ великую своюволю и зухфалство тыхъ козаковъ, которые и на тот часъ от чиненя великих кривдъ и шкодъ обывателемъ тамъ-тыхъ краевъ непереставаютъ, от справы тое все волными чинило тымъ декретомъ нашимъ, покой и вечное милчене от стороны другое, закладаючы. Де которого для лепшое веры и печат наша коронныя есть притиснена. Писанъ у Вислицы месяца генвара осмогонадцать дня року божого тисеча пятсот деветдесятъ второго, а панованя нашого року пятого. Joan Tharnowsky, r[egni] P[oloniae] vicecancell[arius]. Справа того ж. Jan Nowosielsky.
Записі В. кн. 10, л. 62.
Примітки
Подається за виданням: Грушевський М.С. Твори у 50-и томах. – Львів: Світ, 2004 р., т. 6, с. 309 – 310.