3. Грамота кн. Семена для Андрія Морозова, 1459 р.

Михайло Грушевський

Київський князь Семен Олександрович надає село Жердеву бояринові Андрію Морозову, в Києві, 23 липня 1459 р.

Милоха Морозовая, зем’янка київська, продає свою маєтність Жердеву на Дніпрі братаничу Григорію Богдановичу, в Каневі, 4 марта 1564p.

Кор[оль]Жиґимонт Август потверджує сю продажу за проханням Григорія Богдановича, в Варшаві, 1 квітня 1571 р.

Жикгимонт Августъ, Бо(жо)ю милостю корол полский, великий князь литовский, руский, пруский, мазовецкий, жомоитский, ифлянтский etc. панъ и дедичъ.

Ознаймуемъ тым листомъ нашим всим вобец и каждому зособна, кому того ведати належи, нинешным и на потом будучимъ, иж указовалъ перед нами и перед паны радами нашими, на томъ сойме теперешнемъ при нас будучими, шляхетный Григорей Богдановичъ Потаповича, земянин нашъ повету Киевского листъ запись земянки повету Киевского, Милохи Морозовое, на которым листе своемъ описуеть, иж продала ему, братаничу своему, имене отчизное на реце Днепри, на имя Жердеву, за певную суму пенязей на вечность, яко и особливый листъ князя Семена Александровича на то имене, право свое, ему отдала, яко то ширей тые листы в собе описують и обмовають, которые слово од слова такъ ся в собе мають:

Милостю Бо(жо)ю мы князь Семенъ Александровичъ дали есмо село Жердеву боярину нашому пану Андрѣю Морозови, со всимъ в тымъ, што ку тому селу прислушаеть, а иный бы ся в то нихто не въступалъ, а на то есмо ему сес листъ нашъ дали з нашою печатю. Дан в Киеве июля двадцать третего дня в лѣто семое тысечи осмъ сотъ шестдесять семое.

Я Милоха Морозовая, земянка его королевское милости повету Киевского, вызнаваю сама на себе тым моимъ листомъ, кому будеть потреба ведати або чтучи его слышати, иж продала есми имене свое властное, никому ничимъ не пенное, на реце Днепре, Жердеву, братаничу своему пану Григо(р)ю Богдановичу Потаповича, земянину его королевское милости, повету Киевского с озеры и бобровыми гоны, и с пасечищами, такъ со всемъ на все, якъ ся тая Жердева сама в собе здавна маеть, со всими пожитками, за двадцать копъ грошей и за сем копъ грошей литовское личбы, жоне его милости, и детемъ, и потомству на вечность; мает его милость тое имене держати, и вживати, и ку своему лепшому и пожиточнейшому обернути, а з близких моихъ ни сынъ мой, а ни сестри мои не мает ся в тое жаден уступовати и переказы ему ни которое не чинити. Гдеж я Милоха Морозовая для лепшого потверженя сего моего вызнаного листа била есми чоломъ ихъ милости паном: его милости пану Ивану Белостоцкому, подстаростему каневскому, а его милости пану Миколаю Друкгомеру, ротмистру его королевское милости каневскому, о приложене печати, и их милост то на мое чоломбите вчинили и печати свои приложили к сему моему вызнаному листу. Ку тому теж просила есми пана Ща(ст)ного, войта каневского, о приложене местцкое печати, и его милость на прозбу мою вчинил и печать местецкую приложилъ. И на то есми дала пану Григорю Потаповичу сесь мой вызнаный листъ под печатми их милости верху писаных панов, а при том были и того добре сведоми люде добрые: его милост панъ Андрей Богдановичъ, Мурава, бояринъ повету Каневского, а мещане его королевское милости каневские Буня Климовичъ а Васко Кабатникъ. Писан у Каневи лет Божого нароженя тисеча пят сот шестдесят четвертог(о) мѣсяца марца шостог(о) дня.

И бил нам чоломъ преречоный Григорей Богдановичъ Потаповича, абыхмо ему тое имене Же(р)деву, куплю его, водлугъ листу продажного, вышей в томъ листе нашомъ описаного, потвердили ему нашим листомъ, а такъ мы, видячи того быт реч слушную и обачивши тот листь ее продажный, и теж листь князя Семена Александровича киевского, продку его на тое имене даный, добрый, слушный и ни в чом не нарушоный, и печати цилые тыхъ листовъ, з ласки нашое господарское тое имене Жердеву, в повете Киевскомъ лежачое, зо всими пожитки и доходы, такъ яко ся тое имене здавна само в собе в пожиткох, границах и обыходах своих мает, водлугъ листу князя Семена Александровича киевского и теж водле листу продажного Милохи Морозовое потверждаем и умоцняемъ тымъ нашимъ листомъ: маеть онъ самъ, жона, дети и потомкове их тое имене Жердеву за всимъ тымъ, яко на листе продажномъ есть описано, держати и уживати вечными часы, а с того нам господару службу нашу земскую военную служить будуть повинни по обычаю иныхъ земянъ нашихъ повету Киевского. А на сведецтво того всего вышей писаного и печат нашу коронною до того листу нашого привесити есмо росказали. Дан въ Варшаве на сойме валномъ коронномъ дня первого апреля мѣсяца року от нароженья Сына Божого тисеча пять соть семъдесять второго, а панованя нашого сорок третег(о), при бытности панов рад нашихъ коронных, духовных и свецких.

Коронна метрика Московського архіву Міністерства справедливості, І В., [кн] № 2, f. 132.

Примітки

Подається за виданням: Грушевський М.С. Твори у 50-и томах. – Львів: Світ, 2003. – т. 5, с. 120 – 122.