2. Грамота кн. Олелька для Івашка і Петра, 1451 р.

Михайло Грушевський

Кн[язь] Олелько київський надає боярам Івашку та Петру Григоровичам селище Таганчу по Ігнаті Шумакову, в Києві, 8 мая 1451 року.

В[еликий] к[нязь] Олександр в справі бояр Івашка Петровича з Кузьмою Івашковичем ділить між ними, на підставі поділу воєводи Мартина Гаштовта, землі: Товаров, Таганчу [В документі хибно: Тачанча.] і Григорів, в Вільні, 24 квітня 1494 року.

В[еликий] к[нязь] Жиґимонт потверджує за зем’янкою Ульяною Потаповою землі: Мошни й Біл-Берег, на підставі судного листу Ольбрахта Ґаштовта, в Торуні, 15 січня 1520 р.

Кор[оль] Жиґимонт Август потверджує за зем’янами Мошенськими землі: Мошни, Таганчу і половину Григорова, в Варшаві, 8 квітня 1572 року.

Жикгмонт Августь, Бо(жо)ю мил(ост)ю корол полский, великий князь литовський, руский, пруский, мазовецкий, жомоитский, ифлянтский etc. панъ и дедичъ.

Ознаймуемы тым листомъ нашимъ всим вобец и кождому зособна, кому того ведати належи, нинешним и на потомъ будучимъ, иж указовали перед нами и перед паны радами нашими, на сойме теперешнемъ Варшавскомъ при насъ будучими, шляхетные Григорей, Иван и Еско Богдановичи Потаповича Мошенские, земяне наши киевские, листъ славное памети князя Александра Володимеровича киевского, которымъ листомъ своимъ далъ продкомъ ихъ Ивашку а Петру Григоревичомъ селищо на имя Тачанче, а другий листь судовый славное и светое памети Александра, великого князя литовского, которымъ листомъ своимъ учинилъ декретъ межи продкоми их о именя ихъ отчизные и выслужоные, а третий листъ потвержене славное а светое памети Жикгимонта короля, пана отца нашого, которымъ листомъ своим земянце киевской Потаповой Ульяне, бабце их, потвердит рачыл именя ее отчизные и материзтые, на имя Мошны и Бе(л)-берегъ, за правомъ прирожонымъ по брате ее Федку Ершевичу на нее припалые, яко то все ширей а достаточней тые листы в себе описують и обмовяють, которые слово од слова такъ ся в собе мають:

Мы, князь Алексанъдро Володимеровичъ дали есмо бояромъ нашимъ Григоревичом Ивашку а брату его Петру на имя Тачанчу селищо, со всимъ с тым, якъ перво того панъ Игнатъ Шумаков держалъ, а инымъ в тое никому се не въступати. А писан в Киеве мая осмого дня индиктъ четвертый-надцать.

Самъ Александръ, Бо(жо)ю милостю великий князь литовский, руский, жомоитский и иныхъ.

Смотрели есмо того дела: жаловалъ намъ боярин киевский Ивашко Петровичъ на брата своего стриечного на Кузму Ивашковича, штож отци их, вислужив две именя, на имя Тачанче а Таваровъ, на князи Олехну Володимеровичу, и после того они стояли у праве, и тые две именя и о третее имене – отчизну их, на има Григоревъ, перед паном Мартиномъ Кгасто(л)товичомъ, якъ от отця нашого короля его милости Киев держалъ, и пан Мартин выслалъ тамъ их тыми именями делити князя Федора Глинского а боярина киевского Ерша, и они тамъ выездили и тыми именями – выслугою и именемъ отчизнымъ на полы их поделили: Ивашку Григоревичу достало ся Товаровъ, а Ивашку Петровичу Тачанче, и панъ Мартинъ подлугъ тых делчихъ делу (sic!) Кузмину отцу Ивашку и листъ свой судовый на то далъ. И тыми разы онъ тые листы князя Олелковы и листъ пана Мартиновъ перед нами указовалъ, и мы тымъ листомъ порозумевши, тую делницу – имене Товаровъ и половицу именя их отчизного Григорева Кузмѣ Ивашковичу есмо присудили подлугъ первого делу и суду пана Мартинова; а тому Ивану Петровичу в то вже не надобе въступати се. Писанъ въ Вилни апреля двадцять четвертого дня индикта второго-надцать.

Жикгимонт, Бо(жо)ю милостю корол полский, великий князь литовский, руский, княжа пруское, жомоитский и иныхъ.

Била намъ чолом земянка киевская Потаповая Уляна и поведила перед нами, иж воевода Троцкий державца мозырский панъ Олбрихтъ Мартиновичъ Кгаштолътовича смотрелъ свояка ее Андрея Ждановича а брата ее Федка Ершевича о томъ, иж тотъ братъ ее Федко рекучи бы хотелъ именя отчизные и материзные, на имя Мошны и Бел-берегъ от нихъ, от близкихъ, жоне своей по животе своем записывати у великой суме, не подлугъ обычая права земского. И досмотревши дей пан воевода его милость того межи ними, и тому Федку не казалъ всих именей от близких жоне своей записывати, лечъ на третей части, и за то тымъ близкимъ листъ свой судовый далъ. Который же листъ пана воеводы его милости Троцкого тая Ульяна перед нами вказывала и поведила перед нами, што дей вжо тот брат ее Федко вмер, а жона дей его за иного мужа пошла, а тые дей именя на нее одну спали, иного дей близшого к тымъ именямъ никог(о) нет, била намъ чоломъ, абыхмо ей на то дали нашъ листъ. Ино если будет брать ее Федко умер, а к тымъ именямъ никого близшого нет, толко она, мы на то дали сесь нашъ лист – нехай она тые именя Мошны и Бел-бере(г)ъ отчизну и материзну свою держить, со всимъ с тымъ, якъ ся тые именя здавна сами в собе и в границах своих мають, подлугъ суду и листу судового воеводы Троцкого пана Ольбрыхта его милости. Писан в Торуни генвара пятогонадцать дня индикта осмого.

И поведили перед нами тые вышей мененые земяне наши киевские, иж водлугъ тых листовъ вышей виписаныхъ, по зештю продковъ ихъ,одно с тыхъ именей выслужоныхъ, на имя Тачанче, а половицу именя отчизного Григорева брать их стрыечный Пилипъ Морозовичъ держалъ, который дей тых не давно прошлыхъ часовъ в року теперешнемъ, тысеча пятсот семьдесят второмъ, не зоставивши по собе жаднаго потомъства, умер, о чомъ и староста нашъ черкаский и каневский князь Михайло Вишневецкий до насъ листь свой писалъ, ознаймуючи намъ о том, иж по зестью того Пилипа Морозовина жаднаго потомка ани повиноватого и близшого ку тымъ именямъ, окромъ их трохь брати вышей мененыхъ, не зостало. И били намъ чоломъ преречоные Григорей, Иван а Еско Богдановичи Потаповичи Мошинские, абыхмо ласку нашу господарскую вчинили, а имъ тые именя Тачанче – выслугу, а половицу именя отчизного Григорева, яко близкость ихъ властную и отчизную, водлугъ листу князя Александра Володимеровича и водлугъ листу судового великого князя Александра, такъ теж имене ихъ отчизное Мошны, которого они по отцу своемъ в держаню суть, водлугъ листу Жикгимонта короля, пана отца нашого, матце отцу ихъ даного, потвердили им нашимъ листом. Мы тогды, видячи того речь слушную, и обачивши то, иж тое имене Тачанче продкове ихъ на князю Александру Володимеровичу выслужили, и зрозумевши, иж тое имене Григоревъ властная отчизна ихъ естъ, которого половица по брате ихъ стриечъномъ Пилипе Морозовичу правомъ прирожоным на них пришло, и видечи теж, иж тое имене Мошны отчизна властная их ест, з ласки нашое господарское на чоломъ бите ихъ то есмо учинили, тое имене Тачанче и половицу именя Григорева, и теж тое имене Мошны, в повете Киевскомъ лежачое, яко властную отчизну и близкост ихъ, зо всими пожитки и доходы, до тыхъ именей здавна належачими, яким колвекъ именемъ названы быт могут, и яко се тые именя вышей мененые здавна сами в собе в пожиткохъ, границахъ и обыходехъ своих мают, потвержаемъ и умоцняемъ тым нашимъ листомъ. Мают они, преречоные братя, такъ вси споломъ, яко и кождый з них зособна, тые именя вышей описаные на имя Тачанче и половицу именя отчизного Григорева и Мошны держати и уживати, они сами, жоны и дети их, яко властную отчизну свою на вечность, окромъ пренагабаня и переказы каждого чоловѣка. А с того намъ господару слузбу нашу земъскую военную служити будут повинни по обычаю иныхъ земянъ нашихъ киевских. А на свядецтво того всего вышей писаного и печат нашу коронную до того листу нашого привесити есмо росказали. Дан въ Варшаве на сойме валномъ коронномъ при бытности панов рад нашихъ коронныхъ, духовныхъ и свецкихъ, дня второго апреля мѣсяца року от нароженя Сына Божого тисеча пят сотъ семъдесятъ второго, а панованя нашого сорокъ третего.

Коронна метрика Московського архіву Міністерства справедливості, І В., кн. № 2, f. 133.

Примітки

Подається за виданням: Грушевський М.С. Твори у 50-и томах. – Львів: Світ, 2003. – т. 5, с. 117 – 120.