77. Репедз, 1526 р.

Михайло Грушевський

Миколай Вольський, староста сяноцький, позволяє шл. Ярошу Месовському осадити с. Репедзу на волоськім праві, 28 вересня 1526 р.

In nomini Domini. Amen.

Solebant antiquis temporibus inter mortales tergiversationes oriri et durare, nisi per visionem literalem et munimentorum sint pacificae (!), quo circa nos Nicolaus Wolski castelanus sandomiriensis serenissimae reginae Bonae curiae praefectus, sanocensis, lackoronensis, lomnensis, visnensis capitaneus significamus praesentibus litteris nostris omnibus et singulis, praesentibus et futuris personis, quandoquidem respicientes merita bellicosa nobis et reipublicae praestita nobilis Iarosz Mieysowski, cui volentes bona regalia castri Sanocensis in anudantiori (!) facere conditione, eidem concessimus et dedimus, prout praesentibus literis concedimus damusque villam Rzepecz, quae in aevum vocabitur, in bonis regalibus capitaneatus Sanocensis, aut potius in terra regali hereditaria de novo aedificare, locare aut ex silvis fundare, quae villa regalis appellabitur cum omnibus iuribus accidentiis et pertinentiis infrascriptis.

In qua villa Rzepecz nobili Iarosz Mieyszewski et eius successoribus legitimis licitum esse habere advocatiam in tribus laneis ipsi soli et eius successoribus pertinentibus. Cuius quidem villae Rzepecz latitudo hereditaria et longitudo turn ab aliis villis distinctis in aevum erit sub his locorum signis et distinctionibus: incipiendo ab influitione fluvii Rzepecz cadentis in fluvium Osława, eundo sursum fluvio Osławiczka Czarny Las nuncupato ad fluvium Iaworniczek ad fluvium Makotra, a fluvio autem supradicto Makotra in campum alias polana Zawinczak, ex polana Zawinczak ad locum Ostra Iodta, ad lapidem album dictum Ruski Kamien, eundo per campum alias rozdzialem per montem locum dictum Dolinki Bidowe, de loco autem praedicto Dolinki Bidowe super fluvium Kulas ad fluvium Profundum et ad limites Płonna, ex Profundo autem fluvio sursum torrente alio ad locum dictum Mostki et Garbek, Brakow atque Kuchna appellatum, a Kuchna autem supra torrentes ad locum Przewały et Bukowinki, a Bukowinki autem eundo per montem dictum Opoy, a quo loco tendit rozdział qui separat villam Szczawne eundo ad fluvium Osława et Osławka.

In quo (!) quidem villa Rzepecz quilibet cmeto aeviteme de medio laneo per quindecem grossos sacrae regiae maiestati in quolibet anno solvere tenebitur post expirationem libertatis annorum viginti quatuor, item quillibet cmeto eiusdem villae unum caponem et unum popraj ad equum, decimum porcum in quolibet anno et ex grege ovium vigesimam ovem dare aut solvere tenebitur; censum autem regalem per grossos sex de quolibet medio laneo cmetonum quivis soluere tenebitur.

Item cmetonum quilibet ad occasionem necessariam satisfaciendo servitio paratus ut sit cum futuris suis successoribus defendendo lanea sua, verum tamen ad bellum nemo illorum conabitur. Ad laborandum homines vulgo zagrodnikow quodquod voluerit absque censu regali locare advocato licitum est et conceditur, molendinum etiam cum omnibus pertinentiis, utilitatibus in haereditare predictae villae cum consueto folusz atque tabernam liberam statuere et habere tenentur, et molendinator eiusdem villae liberum medium laneum ab omnibus censibus habebit.

Persona spiritualis dictus popo laneum liberum tenere habel. Item loca in campis dicta obszary extranea sursum et deorsum villae tendentia etiam et nawsi temporibus perpetuis ad advocatiam ipsam spectabunt.

Ab annulis (!) in statum matrimonialem tradentibus ex prefata villa ad aliam kunica advocato spectabit, de omnibus autem censibus, proventibus, dationibus [Тут, очевидно, упущено кінець фрази.], quibus exceptis per sex dies in aestate et autumno debebunt laborare temporibus perpetuis existen(tes) protunc in advocatia, pertinentia autem sensiva (!) in quolibet anno utpote pro festo Nativitalis Domini per duas galinas et duas tortas, pro festis autem paschalibus per triginta ova et duas tortas omnes cmetones advocato dare pertinebunt temporibus perpetuis.

Item mellificia apibus necessaria propter usum suum in silvis eorum possessioni subiectis conceduntur statuere turn quoque pomaria cum hortis, quodquod quilibet illorum ad usum suum construere valuerit, licitum erit. Item cmetones de mellificiis apibus possessis per medium grossum de uno mellificio aut mel secundum Deum et iustitiam dare tenebitur.

Fabrum sine datione constituere valebunt. Item homo quicunque ab undique profugiens ad eandem villam Rzepecz nemini extradi debet, sed tali iure et iustitia conservatur. Item cmetones ad convocationem laboris dicti ttoka convevenire omnino debebunt atque etiam ad construendum et reparandum molendinum atque iaz similiter spectabunt; item cmetones ex quibus illorum laboris ovile utpote salasz tenetur stare in fundis ad advocatiam spectantibus construendo stercoribus fundum advocatialem per sex septimanas atque dare de pascuis caseos duos advocato et successoribus eius temporibus perpetuis; item cmetones de omnibus dationibus atque proventibus, contributionibus tarn pecuniariis quam non pecuniariis advocato et successoribus eius tertiam partem dare adstricti erunt.

Ad extremum eundem advocatum et eius successores ab omnibus dationibus, censibus, proventibus liberum in aevum conservamus, turn quoque ab iurisdictione iudiciorum aliorum castrensium capitanealium, quibus subiacere non tenetur, liberum pronunciamus; qui advocatus nullibi iudicari teneatur nisi coram iudicio sive nostra sive curiae sacrae regiae maiestatis. Ob cuius rei testimonium sigillum hisce litteris est impensum.

Datum et actum in castro Sanocensi feria sexta proxima post festum sancti Michaelis anno Domini millessimo quingentesimo vigesimo sexto.

Грамоту сю в потвердженнях 1549 і 1642 pp. вписано до книг сяноцького ґроду в р. 1777 на жадання Бонавентури Бартля – Львів[ський] краєв[ий] архів, сяноц[ька] ґр[одська] кн. 261, с. 631.

Примітки

…осадити с. Репедзу на волоськім праві – тепер с. на території Польщі; А. Фастнахт відносить локаційний привілей до 1527 р., а початки осадництва до 1517 p. (Fastnacht A. Osadnictwo. – S. 156).

Подається за виданням: Грушевський М.С. Твори у 50-и томах. – Львів: Світ, 2005 р., т. 7, с. 221 – 223.