3. Угорці, 1375 р.
Михайло Грушевський
Володислав Опольский надає шл. Вроцлаву с. Угорці, Радилівці й Корнелівці в Самбірськім повіті. 25 серпня 1375 р.
In nomine Domini. Amen.
Decet excelentiam principum suorum subditorum commodis et utilitatibus intendere, ut, dum eorum profectibus invigilent, ipsos in honoris sui promotione ac servitii sentiant promptiores.
Nos igitur Ladislaus Dei gratia dux opoliensis, dominus wielunensis et Russiae ad perpetuam rei memoriam volumus tenore presentium devenire, et (!) inspectis fidelibus obsequiis nobis per Wroclaum fidelem nostrum dilectum plurime exhibitis et adhuc fidelitate, studio futuris temporibus exhibendis, nostrorum serviciorum prehabito consilio diligenti de nostrae largitatis munificentia speciali eidem Wroclao et suis heredibus, legitimis successoribus villas nostras Uhorce, Radylowice, Cornielowice dictas in districtu Samboriensi sitas, cum omnibus et singulis ipsarum pertinentiis, iuribus et dominiis, proventibus, redditibus et obventionibus, prout dictae villae in partibus, metis et graniciis sunt limitatae circumferentialiter et disiunctim, cum agris cultis et incultis, de novo extirpandis, cum pratis, pascuis, silvis, rubetis, mericis, nemoribus, mellificiis, molendinis, venationibus, aucupationibus, cum aquis, aquarum decursibus ceterisque omnibus et singulis pertinentiis, usibus et utilitatibus ad easdem villas spectantibus, prout ipsas soli tenuimus et usi fuimus, nullis penitus exclusis, damus, conferimus et donamus hereditarie, donatione perpetua et irrevocabili per ipsum Wroclaum suosque heredes et legitimos successores temporibus perpetuis possidendas ac tenendas, habendas, utifruendas, vendendas, obligendas, commutandas, alienandas, donandas et in usus suos heredumque et successorum suorum legitimorum beneplacitos convertendas, hoc tamen adiecto, ut singuli cmetones dictarum villarum nobis et nostris successoribus de qualibet curia possessa singulis annis in festo sancti Martini duos grossos latos, sive quatuor parvos pro censu nostrae camerae dare tenebuntur et predictus et sui heredes nobis aut nostris successoribus cum una hasta ut duobus sagittariis in equis valentibus sive decentibus servire sim astricti, quociescunque in dicta terra nostra fiat opportunum, et quod in ipsa terra nostra rursus cum uxore et pueris suis mansione debet residere, prout se ad hoc specialiter obligavit.
In cuius rei testimonium presentes fieri fecimus et sigilli maioris appensione roborari. Actum et datum in Lamburga in crastino sancti Bartholomei apostoli sub anno Domini millesimo trecentesimo septuagessimo quinto, presentibus strenuis et nobilibus domino Budywoio capitaneo cracoviensi, Andriasso capitaneo Russiae, Ioanne Schoff, Nicolao cancellario nostro, in presentia dedimus in commisso, et ceteris multis fidelibus nostris testibus ad premissa.
Львівський краєвий архів, книга перемиського земства, ч. 156, с. 604 (як нижче).
Примітки
…с. Угорці, Радилівці й Корнелівці в Самбірськім повіті – із 1939 р. с. Угорці має назву , а с. Радилівці – . Останнє село відоме в письмових джерелах із 1375 р. як Радиловичі (Історія міст і сіл Української РСР: Львівська область. – С. 686). Село Корнелівці тепер існує під назвою і відоме в джерелах з 1375 р. (Історія міст і сіл Української РСР: Львівська область. – С. 683).
Подається за виданням: Грушевський М.С. Твори у 50-и томах. – Львів: Світ, 2005 р., т. 7, с. 145 – 146.