15. Чорнокунці, 1413 р.
Михайло Грушевський
Ягайло надає шл. Андрію з Бапшина с. Чорнокунці й Криве в Скальськім повіті, 17 липня 1413 p.
In nomine Domini. Amen. Ad rei memoriam sempiternam.
Licet regie maiestatis circumspecta benignitas universorum fidelium suorum ac fidedignorum obsequia prospicere et dignis digna premia uberius ampliare ex innala sibi clemencia salutis teneatur intercedere et ad ilia improfectus et comoda quadam speciali prerogativa favoris dignanter intendit, quos approbate fidei constancia et indefesse probitatis obsequium reddit acceptari, ut eo ceteri fideles regni nostri sumant exemplum commendabile, ut sicut pre ceteris singularibus fidelitatum insigniis claruerunt, sic non immerito praeveniri gaudeant singulari munere gaudiorum, sane considerantes clare fidei studia et laboris indefessi solerciam, quibus nobilis Andreas de Bapschino fidelis noster dilectus, ad nostras et regni nostri Polonie instaurandos honores multe diligencie conatibus fidelissime laboravit et adhuc continuato studio nobis ampliora fidelitatum obsequia poterit in futurum prestancius exhibere, quorum intuitu volentes eundem specialis gracie prerogativa prosequi et ad obsequendum nobis, ut dignum arbitramur, in antea reddere prompciorem, igitur noverint tarn presentes, quam futuri, quibus expedit universis, quod nos Vladislaus, Dei gracia, rex Polonie, Lithwanie princeps et heres Russie etс., considerantes digna, grata fideliaque servicia nobis et regno nostra per fidelem nostrum Andream exhibita et impensa multipliciter et constanter, et in futurum cum sua posteritate ad ampliora servicia se offert promptum et paratum, ne itaque tante serviciorum promtitudinem nostra regia serenitas aliqualiter pertransire videatur, exnunc eidem Andree et suis posteris duas villas nostras videlicet Czarnokuncze et Krzywe, sitas in terra nostra Podoliensi et in districtu nostro Scalunczyensi, cum omnibus et singulis villarum predictarum utilitatibus, censibus, fructibus, redditibus, proventibus, aquis, pratis, campis, pascuis, silvis, nemoribus, virgultis, gaiis, quercetis, mericis, rubetis, borris, mellificiis, venacionibus, aucupationibus, aquis, earum decursibus, piscinis, molendinis, emolumentis, piscaturis, lacubus, stagnis, paludibus ac quibusvis pertinenciis, obvencionibus et appendiis universis, ad ipsas villas supradictas quomodolibet spectantibus, quibuscunque nominibus censeantur, nullis penitus exclusis, prout predicte ville in suis metis et graniciis et gadibus ab antiquo longe lateque circumferencialiter limitate sunt et dislincte, damus, conferimus et donamus donatione perpetua et irrevocabili, perpetuis temporibus duratura, appropriamus sibi et suis successoribus tenendum, habendum, possidendum et pro sua suorumque posterorum voluntate quomodolibet libere commutandum, vendendum.
Racione cuius donationis suprascriptus Andreas et sui legittimi successores, quocienscunque necesse fuerit, cum una hasta et uno sagittario ad quamlibet generalem expedicionem, iuxta ritum et consuetudinem aliorum nostrorum baronum, nobilium regni nostri Polonie, nobis et nostris legittimis successoribus servire perpetuis temporibus sint astricti.
Actum et datum Cracovie in die sancti Alexii, per manus venerabilis domini Donyn vicecancellarii regni Polonie et prepositi sancti Floriani extra muros cracovienses, anno Domini millesimo quadringentesimo tredecimo, presentibus: reverendissimo in Christo patre Alberto cracoviensi episcopo, magnifico ac strenuis: Sandivogio de Ostrorog poznaniensi, Iohanne de Thamow cracoviensi, Nicolao de Michalow sandomiriensi, Iacobo de Conyeczpolye siradiensi et Mathia de Labyschyn brzestensi pallatinis etс. In quorum omnium testimonium et robur perpetue firmitatis sigillum nostrum presentibus est appensum.
Коронна метрика варшавська, кн. 11, с. 180.
Примітки
Чорнокунці й Криве в Скальськім повіті – тепер с. та Тернопільської обл. (Крикун М. Кількість та структура поселень. – С. 410, 415).
Подається за виданням: Грушевський М.С. Твори у 50-и томах. – Львів: Світ, 2005 р., т. 7, с. 157 – 158.