23. Лукавиця, 1430 р.

Михайло Грушевський

Кор[оль] Володислав позволяє Райдонію з Винник осадити с. Лукавицю в пов[іті] Самбірськім і надає йому війтівство в ній, 21 марта 1430 p.

In nomine Domini. Amen. Ad perpetuam rei memoriam.

Ne error obliuionis gestis sub tempore versantibus in posterum pariat detrimenta, alta regum et principum decreuerunt consilia ea litterarum apicibus et testium annotatione perhenari, ne lapsu temporis euanescat (!).

Proinde nos Wladislaus Dei gratia rex Poloniae necnon terrarum Cracoviae, Sandomiriae, Syradiae, Lancitiae, Cuiauiae Lithwaniaeque princeps supremus, Pomeraniae Russiaeque dominus et haeres, significamus tenore praesentium quibus expedit universis, praesentibus et futuris, praesentium notitiam habituris, quomodo cupientes terras nostras Russiae per locationem hominum facere populosas, ut inde per amplificationem hominum crescant nobis bona pariter et honores de prouidentia et discretione, proinde Raidomi de Vinniki nostri fidelis considerantes confidentes (!), sibi villam locandam in fluuio Lukavicza vulgariter nuncupato et eodem vocabulo Lukavicza nuncupandam in terra Russiae et districtu Samboriensi sitam de quinquaginta laneis agrorum seu quotquot de eisdem ibidem poterit collocare, iure teutonico maideburgensi plenam damus et omnimodam tenore praesentium concedimus facultatem.

Ratione cuius locationis praedicto Raidoni et suis successoribus legittimis scultetiam ibidem iure haereditario in perpetuum tenendam, vendendam, alienandam, commuttandam, nostro tamen super hoc consensu speciali requisito, et ad usus beneplacitos conuerlendam damus, donamus, confirmamusque praesentibus et largimur donatione irrevocabili perpetue et ia aeuum, adiicientes sibi et suis successoribus legittimis ad dictam scultetiam tres laneos liberos agrorum, unam tabernam, et de quolibet artificio vnum artificem, sextum denarium de censu, tertium denarium de qualibet re iudicata, molendinum quoque et piscinam in loco quo poterit in eadem villa, prout se ad longum extenderit, dempto loco aptiore pro molendino nostra, quem capitaneus noster modernus elegerit, praefatos Raidoni sculteto (!) pro se et suis successoribus legittimis conseruet et reparabil.

Adiungimus etiam ibidem pro ecclesia unum laneum agrorum construenda et duos laneos pro expulsione pecoris et peccudis, ad pascua, quem scziegni vulgo nuncupantur.Ratione cuius donationis praefatus Raidom et sui successores nobis et posteris nostris in duobus equis cum duabus ballistis ad quamlibet expeditionem generalem seruire tenebuntur.

Eximimus insuper et perpetuo liberamus in (!) regni nostri pallatinorum, castellanorum, capitaneorum, iudicum, subiudicum ceterorumque officialium et ministerialium eorundem, ut coram ipsis, vel coram aliquo pro causis omnibus tarn magnis quam paruis, puta furti, homicidii, incendii et membrorum mutilatione, seu quibusuis aliis excessionibus citati minime respondebunt, nee aliquas paenas soluere tenebuntur, sed incolae villae praedictae coram suo sculteto, scultetus vero coram nobis, vel iudicio nostra generali, dum per [li]terram nostram, sigillo nostra sigillatam, euocatus fuerit et cittatus, tunc non alio iure nisi suo iure maideburgensi de se quaerulantibus respondere sit astrictus.

In causis autem capitalibus et criminalibus superius expressis sculteto pro tempore existenti iudicandi, sententiandi, plectendi, puniendi plenam damus et omnimodam concedimus libertatem atque facultatem, prout hoc ipsum ius thephtonicum maideburgense in omnibus suis punctis, conditionibus, articulis et clausulis postulat et requirit.

Et universis kmethonibus villae eiusdem a censu nostra et quibusvis aliis solutionibus ac laboribus viginti annorum spatium continue se sequentium plenam damus et omnimodam concedimus libertatem; qua elapsa kmetones villae praedictae de quolibet laneo per vnam marcam communis monetae et numeri polonicalis consueti et alias contributionum et fumalium nostrorum exsolutiones more aliarum villarum nostrarum districtus Samboriensis et quatuordecem dies labores, vbi necessitas exigent, singulis annis nobis et successoribus nostris soluere et explere sint astricti, – harum, quibus sigillum nostrum est appensum, testimonio litterarum.

Actum in Noua Ciuitate feria tertia proxima post dominicam Oculi anno Domini millesimo quadringentesimo tricesimo, praesentibus reverendis in Christo patribus d[omi]nis Ioanne archiepiscopo leopoliensi, Zbigneo crac[oviensi] episcopo, necnon magnificis strenuisque Nicolao de Michalow pallatino sandomiriensi, Alberto Molski succamerario lanciciensi, Paulo de Bugmalozycze cracoviensi et Ioanne Sprolsk (!) sandomiriensi – iudicibus terrestribus, testibus circa praemissa.

Datum per manus reverendi in Christo patris domini Ioannis episcopi wladislauiensis, cancellarii regni et Wladislai de Oporow decretorum doctoris, praepositi sancti Floriani ante Crac[oviam], regni Poloniae vicecancellarii, syncere nobis dilectorum.

З книги грамот Самбірського староства – Кор[онна] метр[ика] Моск[овського] арх[іву] Мін[істерства] справ[едливості], IV. В., кн. 22, л. 433 v.

Примітки

…с. Лукавицю в пов[іті] Самбірськім… – тепер с. Самбірського р-ну Львівської обл.

Подається за виданням: Грушевський М.С. Твори у 50-и томах. – Львів: Світ, 2005 р., т. 7, с. 164 – 166.