111. Лукавиця, 1558 р.
Михайло Грушевський
Випись з книг самбірського ґроду про розграничення сіл Лукавиці й Черхави, 7 падолиста 1558 р.
Королівське потвердження сього розграничення, 20 червня 1559 р.
Sigismundus Augustus, Dei gratia rex Poloniae, magnus dux Lithwaniae, Russiae, Prussiae, Masowiae, Samogitiaeque etс. dominus et haeres, significamus tenore praesentium, quorum interest universis et singulis, harum noticiam habituris, exhibitam coram nobis esse infrascriptam dislimitationem et compositionem limitum villarum inferius descriptarum iussu generosi olim Petri Borathinski, castellani belsensis et capitanei samboriensis, per Paulum Radeczki, iudicem castrensem samboriensem in praesentia et cum approbatione generosi Martini Faleczki, reuisoris illo tempore in capitaneatu nostro Samboriensi, factam, supplicatumque nobis est, ut dislimitationem et compositionem limitum praefatorum authoritate nostra regia approbare, confirmare et ratificare dignaremur. Cuius quidem dislimitationis et compositionis limitum ex libris nostris castrensibus samboriensibus autentice extractae tenor is sequitur:
Coram iudicio et actis praesentibus personaliter comparens generosus Paulus Radeczki, iudex castri samboriensis, in vim manifestationis suae sanus mente et corpore extistens, publice et per expressum recognouit, quia dum et quando ex mandato magnifici Petri a Borathin, castellani belzensis et capitanei samboriensis, missus erat ad fundum villarum Lukawicza et Czerchawa ad componendas discordias inter communita[te]s villarum praefatarum exortas ac limites exdiuidendos inter villas praefatas, vbi ipse Paulus Radeczki, satisfaciens mandato magnifici castellani belzensis talem fecit dislimitationem inter bona villarum praefatarum, quam dislimitationem et generosus Martinus Faleczki aulicus sacrae r[egiae] maiestatis, capitaneus samboriensis, reuisor atque locumtenens, vigore reuisionis suae a sacra r[egia] maiestate deputata (!), approbauit in hunc modum: Incipiendo a pariete villae Manasterzecz per media prata, loco dictum (!) circa riuum Czerchawa, usque prope hostium rivi Czorstin declinando ad dexteram versus Lukavicza, qui riuulus Christin dislimitat, et vsque in superficie riuuli determinatae sunt granicies circa parietes villae Vinniki, vbi conuenerunt tres parietes villarum praefatarum.
Quem limitationem praefatam vtreque villae Lukawicza et Czerchawa firmiter inter se semper et perpetuo obseruaturae sunt, sub paenis regalibus, partibus praefatarum villarum per prouidum Ioannem Mucha, ministerialem terrestrem praemisliensem talem dislimitationem factam publicam. Quae praemissa omnia sic et non aliter fieri praefatus Paulus Radeczki praesentibus recognouit.
Acta sunt haec in curia samboriensi feria secunda proxima post festum omnium sanctorum in conuentu autumnali anno Domini millesimo quingentesimo quinquagesimo octauo. Stanislaus Zerniczki manu propria s[ubs]c[ripsi]t. Leonardus Osinski, curiae samboriensis notarius.
Nos itaque Sigismundus Augustus, rex superexpressus supplicationi praefatae benigne annuentes animaduertentesque dislimitationem bonorum sine fundi villarum nostrarum Lukavicza et Czerchawa praefatarum, per Paulum Radeczki iudicem castrensem samboriensem iussu olim Petri Borathinski, castellani belzensis, samboriensis capitanei et assensu et approbatione generosi Martini Faleczki aulici et reuisoris capitaneatus nostri samboriensis factam, in qua nulla villarum praefatarum contraria fuisse animaduertitur, approbandam, rattificandam et confirmandam duximus, approbamusque, rattificamus et confirmamus hisce litteris nostris, decernentes earn ipsam dislimitationem villarum praescriptarum siue assignationem bonorum inter incolas memoratos, quatenus iuste fieri potest, robur debitae firmitatis obtinere, – harum quibus sigillum nostrum est appensum testimonio litterarum.
Datum Cracoviae feria secunda post festum sancti Vitti proxima anno Domini millesimo quingentesimo vigesimo nono, regni nostri anno trigesimo. Relatio magnifici Ioannis de Oczieschyno r[egni] Poloniae cancellarii, generalia cracoviensis, oswięczimensis, zathoriensis, sandecensis, olstinensisque capitanei. Ioannes Oczieski r[egni] P[oloniae] cancellarius.
Книга грамот Самбірського староства – Кор[онна] метрика Моск[овського] архіву Мін[істерства] справ[едливості, L, IV. В], кн. 22, л. 428.
Примітки
Подається за виданням: Грушевський М.С. Твори у 50-и томах. – Львів: Світ, 2005 р., т. 7, с. 269 – 271.