60. Деревня, 1499 р.

Михайло Грушевський

Кор[оль] Ян Альбрехт дає Яцковичу князівства в с. Деревні і , в старостві Самбірськім, 29 вересня 1499 p.

In nomine Domini. Amen. Ad perpetuam rei memoriam.

Nos Ioannes Albertus, Dei gratia rex Poloniae, supremus dux Lithwaniae, necnon terrarum Cracoviae, Sandomiriae, Siradiae, Lancitiae, Cuiauiae, Russiae, Prussiae, Culmensis, Elbingensis, Pomaeraniaeque etс. dominus et haeres, significamus tenore praesentium quibus expedit universis, praesentibus et futuris, praesentium noticiam habituris, quomodo volentes villam nostram nouae locationis Derewno dictam, circa fluuium Brzezniczka iacentem, ampliare syluarum extirpatione, locare ad aliam villam nostram Coblo nuncupatam, diu locatam, ad meliorem condilionem reducere, in districtu Samboriensi sitam, considerantes etiam industriam prouidi Iaczkowicz, ad hominum vocationem et meliorem collocationem earundem villarum satis idoneum, scultetii seu kniasthwo in dictis villis Derewno et Koblo sibi et eius successoribus perpetuis temporibus tenendi, possidendi pacifice et quiete, vendendi et in vsus suos beneplacitos conuertendi dedimus, donauimus et concessimus gratiose praesentibus litteris nostris damusque sibi omnimodam facultatem et suis successoribus dictas sylvuas extirpandi et excidendi ad ampliandas villas praefatas Derewno et Koblo, homines ad libertatem vocandi.

Quibus quidem hominibus, taliter vocatis seu vocandis, dictarum syluarum Iiberum usumfructum damus et concedimus et praesertim villae Derewno incipientes a fluuio Cathilimiecz usque ad pomarium dictum Lieniow, transeundo ad summitatem dicti fluuii Brzezniczka, vsque ad montem Krzemien, in quibus syluis peccora et peccudes ac alias vtilitates habere possunt, sine tamen damno aliarum villarum.

Hominibus vero in eadem villa Derewno collocatis vel collocandis damus quindecim annos libertatis, absoluentes ipsos interea temporis ab omni labore, tributo, datione.

Libertale vero expirata incolae villae eiusdem secundum ius valachicum et more aliarum villarum nobis labores exercere tributaque et dationes soluere tenebuntur et eodem iure valachico gaudere debent.

Ut autem praefatus Iaczko ad collocationem villae ipsius Drewno et villae diu locatae Koblo maiorem adhibeat operam, damus sibi in eisdem scultetiis per vnam aream integram, alias dworziscze.

Concedimusque sibi in eadem villa nouae locationis Deredewno (!) dicta molendinum erigendi, in quo duntaxat villae eiusdem incolae molere debent, de quo ipse et sui successores emolumenta percipient.

Adiungimus sibi etiam ibidem in eadem villa Derewno tabernam. Expirata vero libertate de incolis villae praefatae Derewno tertiam partem ipse scultetus omnium dationum, videlicet agnorum, porcorum, columbationes consuetas, tortas ac aliarum rerum habebit et percipiet, suique successores habebunt ac possidebunt ac percipient iuxta aliorum kniazionum in aliis bonis consuetudinem.

Cui etiam homines villae praefatae Derewno et suis successoribus post annos libertatis in arino quolibet duos dies laborare tenebuntur, vnum arare et alterum falcastrare, caetera vero quae ad scultetiam in Koblo ex antiquo pertinentia et percipiet et habebit suique successores habebunt et percipient iuxta consuetudinem.

De quibus quidem scultetiis praefatus Iaczko et sui successores ad quamlibet expeditionem bellicam in duobus equis bonis, cum arcu et sagittis, nobis et successoribus nostris seruire tenebitur et tenebuntur.

In cuius rei testimonium signetum nostrum annulare quod (!) praesens sigillis nostris maioribus absentibus, vti cum praesentibus est suppapensum.

Actum Cracoviae die dominico festi s[ancti] Michaelis archangeli anno Domini millesimo quingentesimo nonagesimo nono, regni uero nostri anno octauo, praesentibus magnificis et generosis: Andrea de Schamutuly calisiensi, Stanislao de Chodecz et Stanislao de Mlodzieiowicze radymensi castellanis, Nicolao de Kamieniecz cracoviensi et sanocensi et Andrea Kosczielieczki bydgostiensi capitaneis caeterisque dignitariis, officialibus ac curiensibus nostris. Datum per manus venerabilis Mathiae Drzewiczki, praepositi scarbimiriensis, secretarii nostri supremi, nobis sincere dilecti. Commissio regiae maiestatis sub signeto.

Грамоту сю потвердив в 1519 p. кор[оль] Жиґимонт на прошення «Iasko scultetus alias kniass villarum Derewno et Koblo» – Книга грамот Самбірського староства – Кор[онна] метр[ика] Моск[овського] арх[іву] Мін[істерства] справ[едливості], IV. В., кн. 22, л. 420.

Примітки

Подається за виданням: Грушевський М.С. Твори у 50-и томах. – Львів: Світ, 2005 р., т. 7, с. 199 – 201.