46. Кам’янецький повіт, 1448 р.

Михайло Грушевський

Кор[оль] Казимир записує шл. Івану Курилу 50 грив[ень] на маєтностях в Камінецькім повіті, 20 серпня 1448 p.

Kasimirus, Dei gracia rex Polonie, magnus dux Lithuanie et heres Russie, significamus tenore presentium quibus expedit universis, quomodo consideratis fidelibus serviciis et constantis fidei meritis, quibus nobilis Iwan Curilo nostre meruit placere maiestati et signanter in terra nostra Podolie, ipsam terram nostram de inimicis Thataris premuniendo, horum intuitu volentes ipsum nostris prosequi favoribus et ad servicia nostra facere prompciorem, sibi et suis successoribus legitimis in et super vastitate alias na pustyni Lachnowo, Syedlicze, Na babynye dolinye, in terra Podolie et districtu Camenecensi sit (is), quinquaginta marcas monete et numeri polonicalium, quadraginta octo grossos marcam in quamlibet computando, dedimus, donamus, donamusque et donamus et largimur graciose, cum omnibus et singulis prefate vastitatis aut ville in ea locande utilitatibus, fructibus, censibus, redditibus, proventibus, agris, campis, pratis, silvis, bonis, gais, nemoribus, sareptis, indaginibus, mellificiis, fluviis, fluminibus, lacubus, stagnis, paludibus, piscinis, piscaturis, rippis, rivulis, torrentibus, molendinis ac eorum emolumentis per ipsum Iwan Curilo et nos successores habendum, tenendum, utifruendum ac pacifice praesidendum tamdiu, quousque prefate quinquaginta marce sibi per aut nostras successores fuerint persolute; quibus solutis prefatae vastitatis possessio aut ville in ea locande ad nos devolvetur pleno iure.

Ita tamen, quod prefatus Iwan Curilo in prefata vastitate et sui successores legitimi residentiam facient personalem, casu vera, quo in eadem vastitate prefatus Curilo ac sui successores legitimi residenciam non facerent personalem, extunc ipso facto ipsa bona ad nos et nostras successores devolventur ac de eis disponere poterimus, prout nostre placebit maiestati.

Prefatus etiam Iwan Curilo contra inimicos consurgere debet et sui successores legitimi, quocienscunque fuerit opportunum ipsis ad resistendum, iuribus tamen regalibus ac stacionibus per omnia semper salvis – harum quibus sigillum nostrum presentibus est appensum testimonio literarum.

Actum et datum in Camyenecz feria tercia infra octavas assumptionis Marie anno Domini millessimo quadringentesimo quadragesimo octavo. Relatio magnifici Iohannis de Conyeczpole regni Polonie cancellarii.

Кор[онна] метрика варшавська, кн. 10, л. 33.

Примітки

… vastitate alias na pustyni Lachnowo, Syedlicze, Na babynye dolinye, in terra Podolie et districtu Camenecensi… – місцевості не ідентифіковано.

Подається за виданням: Грушевський М.С. Твори у 50-и томах. – Львів: Світ, 2005 р., т. 7, с. 187 – 188.