55. Лозина, 1469 р.

Михайло Грушевський

Кор[оль] Казимир потверджує за волохом Івашком Лозинським дворище в с. Лозині Львівського пов[іту] з різними служебними обов’язками, 7 цвітня 1469 р.

In nomine Domini. Amen. Ad perpetuam rei memoriam.

Convenit actus hominum, qui vetustate cadunt et successu temporis in oblivionem vertuntur, litterarum apicibus et testium annotacione perhennare, ne simul cum tempore evanescant. Proinde nos Cazimirus, Dei gratia rex Poloniae, necnon terrarum Cracoviae, Sandomiriae, Siradiae, Lanciciae, Kuiawiae, magnus dux Lithwaniae, Russiae, Prussiae necnon Kulmensis, Elbingensis et Pomeraniae dominus et heres significamus tenore presentium, quibus expedit universis tarn presentibus quam futuris, presentium notitiam habituris, quomodo attentis virtutibus et meritis servitiorumque constancia nobilis Iwasko Lozinski Walachy, servitoris nostri fidelis dilecti, quibus magestati nostrae multipliciter extat comendatus gratumque se reddidit et acceptum horumque intuitu de liberalitatis nostrae munificencia sibi aream alias dworzyscze in (villa Lozina in) terra et districtu Leopoliensi si tarn, quam una cum (fratribus suis) a multis retroactis temporibus usque in (hactenus te)nuit et possedit cum omnibus eiusdem censibus, (fructibus) et redditibus, proventibus, necnon agris, pratis, (campis), hortis, silvis, boris, mericis et melificiis, ru(betis, vi)rgultis, nemoribus, indaginibus, dumetis, quer(cetis, pi)netis, fluviis, fluminibus, piscinis, piscaturis, (rivu)lis, rivis, torentibus, palludibus, molendinis et eorum emolumentis, aquis et earum decursibus et generaliter cum omnibus attinentiis, pertinentiis, coherentiis, spectantiis, apendentiis et observationibus universis, quocunque nomine sive vocabulo generali aut speciali nuncupatis, ad ipsam curiam alias dworzyscze quomodolibet et ab antiquo spectantibus, nihil iuris, proprietatis aut dominii pro nobis aut nostris successoribus penitus reservando eamque late, longe et circumferentialiter, prout in suis metis, limitibus, finibus, gadibus et graniciebus ipsa curia distincta existit situata et locata ac limitata, donatione perpetua et irrevocabili dedimus, donavimus, contulimus et largiti sumus, donamus damusque, conferimus et largimur graciose perpetue et in aevum, presentis scripti patrocinio mediante, per ipsum Iwasko et legitimos successores tenendum, habendum, utifruendum, comutandum, alienandum, vendendum, nostro tamen ad id consensu pariter et assensu accedente, et in usus suos suorumque successorum beneplacitos convertendum.

Damus prefato Iwasko et presentibus concedimus in et super piscina, per ipsum in prefata villa et fluvio Łozina noviter disposita, facta et instaurata, molendinum aquaticum, in quo omnes eiusdem villae cmetones et incolae frumenta omnis grani pro libito voluntateque suis molire possunt et poterint, faciendi, disponendi, edificandi, construendi et denuo erigendi plenam et omnimodam tenore presencium facultatem et potestatem.

Ratione cuius quidem donationis nuncupatus Iwasko et successores sui legitimi ad custodiend(as) metas, granicies et confinia terrarum nostrarum Podoliae ab insultibus, incursu et invasione Tartarorum sive quorumcunque aliorum hostium nostrorum tociens, quociens per nos aut capitaneum nostrum requisitus fuerit, in limitibus duntaxat et graniciebus terrarum in propriis equis et expensis transire et custodire tenebuntur et debebunt; postquam autem nos et capitaneus noster ipsum Iwasko aut eius successores intra metas et limites terrarum nostrarum ad custodiam huiusmodi mittere contigerit, extunc ipsum pro huiusmodi via expensis nostris providere tenebimur et debemus.

Tenebitur etiam prefatus Iwasko et sui legitimi successores debebunt nobiscum aut cum capitaneo nostro leopoliensi in terra et districtu Leopoliensi ad investigandas et fugandas feras alias w obiazd transire ferasque ipsas investigare tociens, quociens requisitus fuerit et oportunum perpetuis temporibus duraturum.

In cuius rei testimonium sigillum nostrum presentibus est subappensum.

Datum in Leopoli feria sexta infra octavas sacratissimae Paschae anno Domini millesimo quadringentesimo sexagesimo nono, presentibus ibidem reverendissimo in Christo patre domino Gregorio archiepiscopo leopoliensi, magnificisque, generosis et nobilibus Stanislao de Ostrow kalisiensi, Stanislao de Chodecz leopoliensi haliciensique et kamenecensi capitaneo, Michaele Muzylo de Buczacz Podoliae palatinis, Dobeslao de Wisznicze lublinensi, Dobeslao de Sprawicza premisliensi, Dobeslao de Byszow belzensi castellanis, Ioanne de Rylhwiany, regni Poloniae marschalco, Spythkone de Iaroslaw premisliensi, Georgio Strumilo leopoliensi succamerariis, Paulo Lasinski subdapifero sendomiriensi chelmensique et belzensi, Raphaele de Iaroslaw leopoliensi capitaneo, Ioanne de Lubilczie Dzialinski, Andrea Gorski et Floriano (de Zychlin cu)riensi, Ambrosio Pampowski, Alber(to Bielia)wski, Stanislao Skarzynski notariis aulae (nostrae ac) aliis quam plurimis fidedignis. Datum per manus venerabilis Alberti de Zychlin, custodis sandomiriensis, gnesnensis, cracoviensis, wladislawiensis et posnaniensis ecclesiarum canonici et regni Poloniae vicecancellarii. Ambrosius Pampowski s[ubs]c[ripsi]t.

Грамоту сю вписано до книг ґродських львівських в 1579 р. – Львів[ський] краєв[ий] архів, кн. ґрод[ська] львів[ська] 338, с. 150. Другий раз вписана ся грамота на жадання «certae personae nobilium in villa Łozina» – там же в кн. 339, с. 1836; з неї доповнені місця, видерті в першій обляті: вони поставлені в ( ), а деякі помилки, справлені на підставі сеї другої обляти, означені звіздкою; варіанти означені тільки дещо цікавіші.

Примітки

…с. Лозині Львівського пов[іту]… – тепер с. Яворівського р-ну Львівської обл.; перша джерельна згадка датується 1444 р. (Історія міст і сіл Української РСР: Львівська область. – С. 928).

Подається за виданням: Грушевський М.С. Твори у 50-и томах. – Львів: Світ, 2005 р., т. 7, с. 194 – 196.