Початкова сторінка

Михайло Грушевський

Енциклопедія життя і творчості

?

53. Кам’янецьке староство, 1461 р.

Михайло Грушевський

Кор[оль] Казимир позволяв Станіславу з Ходча викупити Камінецьке староство від Михайла Бучацького, 18 грудня 1461 р.

Kasimirus, Dei gratia, rex Polonie, magnus dux Lithwanie, Russie Prussieque dominus et heres etс. Significamus tenore presencium quibus expedit universis, quomodo attendentes alta fidei merita et continuorum gratorumque obsequiorum prestanciam, quibus magnificus Stanislaus de Chotecz, castellanus leopoliensis et capitaneus haliciensis nobis sincere dilectus, maiestati nostre placere meruit, auctoque sue fidelitatis studio merebitur in futuro, cupientesque castra et fortalicia regni nostri, presertim in confiniis sita, debita circumspectione providere, sibi Stanislao, castellaneo leopoliensi, intuitu premissorum caslrum et civitatem ac alias capitaneatum Camenecensem nostrum terrarum Podolie, de manibus generosi Michaelis de Buczacz moderni capitanei ibidem in Camenecz redimere et exemere concessimus, admisimus et indulsimus, tenoreque presencium mediante indulgemus, concedimus et admittimus graciose.

Quod quidem castrum, civitatem et capitaneatum Camenecensem cum omnibus et singulis redditibus, proventibus, censibus, fructibus, obvencionibus, utilitatibus, villis, allodiis, agris, pratis, campis, silvis, nemoribus, indaginibus, sareplis, mericis, virgultis, bonis, gaiis, rubetis, fluviis, fluminibus, rivulis, torrentibus, paludibus, lacubus, piscaturis, aquis et earum decursibus, molendinis aquatilibus et ventilibus ac eorum emoluments, venacionibus, aucupacionibus et signanter cum omnibus appendiis, coherenciis, annexis, pertinenciis et spectanciis, quomodolibet ad prefatum castrum, civitatem et capitaneatum Camenecensem spectantibus et pertinentibus, eoque iure, dominio et proprietate, ac in eisdem summis pecuniariis, necnon modo, condicione et ordine, quemadmodum dictus Michael de Buczacz, modernus capitaneus cameneczensis, vigore inscripcionum et litterarum regalium in hactenus habuit et dictum capitaneatum tenuit et possedit, memoratus Stanislaus, castellanus leopoliensis, sive sui successores habebunt, tenebunt et possidebunt pacifice et quiete tamdiu, quousque per nos aut nostros successores sibi Stanislao aut suis legittimis successoribus summe pecuniarie, in quibus taliter exemerit, fuerint plenarie exolute.

Quibus solutis, castrum, civitas et capitaneatus Cameneczensis ad nos et nostros successores pleno revertentur iure. In casu vero, quo prefatum castrum, civitatem (!) et capitaneatum Cameneczensem nostris propriis pecuniis sive fertonibus, aut aliis pecuniis per regni subditos contribuendis, exemptum et redemptum de manibus prefati Michaelis fuerit, nichilominus propter indefessam serviciorum constanciam prelibati Stanislai castellani leopoliensis, sibi castrum, civitatem et capitaneatum memoratum Cameneczensem cum omnibus attinenciis et proventibus, uti premissum est, damus, conferimus et largimur presentibus in tenutam et possessionem, eundem in capitaneum ibidem exnunc preficientes et deputantes graciose, – harum, quibus sigillum nostrum presentibus est appensum, testimonio litterarum.

Datum in Novae civitatis convencione generali feria sexta proxima ante festum sancti Thome anno millesimo quadringentesimo sexagesimo primo. Relatio reverendi patris domini Ioannis de Brzesze, electi ecclesie cracoviensis, regni Polonie vicecancellarii.

Коронна метрика варшавська], кн. 11, с. 542.


Примітки

Подається за виданням: Грушевський М.С. Твори у 50-и томах. – Львів: Світ, 2005 р., т. 7, с. 192 – 193.