Початкова сторінка

Михайло Грушевський

Енциклопедія життя і творчості

?

Княжата Іван і Олександр Слуцькі віддають в трилітну державу Петру Тризні маєтності: двір Івань і Митяєвичі, 18/І 1589 р.

Михайло Грушевський

Мы Янъ Сымеонъ и Александер Олелковичове кн(я)жата Слуцкие ознай-муемъ и чиним явно тым нашим листом, кому бы того вѣдати належало, иж мы обадва сполне по смерти небожчика кн(я)жати Юря, пана брата нашого, маючи правом прирожоным в опеце своей потомка небожчиковско(го) – сыновицу нашу кн(я)жьну Зофѣю з ымѣньями и маетностями ей належачими, теды опатруючи оной выхованье, яко тежь и долги немалых сум пенезей небожчика брата нашого, по нем не заплачоных, позосталые, а видечи быть з лѣпшим пожитком и латвейшим выплаченьем тых долговъ розным особом, мы преречоные кн(е)жата Слуцкие, яко опекунове, обадва сполне и згодне намовившисе, взяли и позычили есмо въ его млсти пана Петра Тризны, кашталяновича смоленского, певнои и готовой сумы п(е)н(е)зей, то есть двѣ тисечи копъ и полтретяста копъ грошей личбы и монеты литовской, личечи в каждый грошъ по десети п(е)н(е)зей бѣлых, а въ копу по шестидесятъ грошей литовъеких. В которой той суме п(е)н(е)зей вышей помененой аренъдовъным способом на выплаченье и зуполную заплату менованои сумы п(е)н(е)зей двух тисечей и полтретя ста копъ грошей литовъеких его млсти пану Тризне в моцъ в держанье и в спокойное уживанье завели, подали и поступили есмо имѣнья лежачие в повѣте Новгородском небожчика пана брата нашого, то есть двор Ивань и толоки з мещанъ мѣста Старого Слуцкого водлугь давного звычаю и двор Метяевичи з будованьем дворным и гуменным, з оборами, зъ засѣвъком збожья всякого, в полях засѣяного и в гумнѣ зложеного, и с пожитками гуменъными, с приплодками оборными въшелякими, з огороды овощовыми, з навозами, с полми оремыми и неоремыми, з сѣножатми, болотами, з реками, з водами, з озеры, з ставы, ставищами, сажовками, з млынами и ихъ вымилками, з лесами, борами, пущами, з гаи, зарослями и приробками, з деревом бортным, з ловы звериными, рыбными и пъташими, з гоны бобровыми, з бояры, с поддаными, з селы людей осѣлых и неосѣлых, теглыхъ, куничныхъ, зъ ихъ кгрунтами, волоками, застѣнками и моркгами, з роботами и иными повинносътями, з платы и пожитками грошовыми, житными и овъсяными, з данью медовою и зо въсими их входами и вступами, так яко се перед тым тые имѣнья вышей помененые Иван и Метяевичи сами в собѣ в границах и обходех и пожиткох своих мѣли и тепер мають, ничого в нихъ сами на себе и ни на потомка небожчиковско(го) сыновицу нашу, такъже и на потомки наши не зоставуючи ани уймуючи, такъ ижъ помененое непомененому, а непомененое помененому ничого шкодити и уймовати не маеть и мочи не будеть, але ра(з) сим на въсе и такъ яко се вышей описало и поменило и водлугъ инъвенътару, пану Тризне с печатми и с подписами рукъ наших даного, на котором тые имѣнья и пожитки ихъ вшелякие достаточне и ширей описаны суть.

Маеть панъ Петръ Тризна, почавъши от часу певъного, то есть от месопустъ рымскихъ в семъ року тисеча пять сотъ осмъдесят девятом через цалые три годы по собѣ идучие, то есть до месопустъ рымских пришлых в року тисеча пятсотъ деветдесят втором с тых вышей помененых имѣней водлугъ инъвенътаровъ и такъ, яко се вышей описало и поменило, держать и с покоем уживать, выбираючи и оборочаючи вси пожитки, доходы и платы на себе и в тую суму свою, нам позичоную, а подданых судить, рядить и винъных за выступки их карать. А кгды аренъде сполна три годы на месопусты пришлые в року тисеча пять сотъ деветдесят втором выйдуть, на тот час панъ Тризна тые имѣнья зо всим с тым, щимъ тепер ему од насъ поданы суть, уступити и здати будеть повиненъ намъ. А гдѣ (sic) бы перед часом с тых имѣней быдла, збожя молочоного и немолочоного, сѣна и иныхъ вшеляких спрятовъ домовыхъ спровадить не моглъ, тогды и по року на три недели поддаными тых имѣней, подводами до имѣнья своего албо гдѣ колвекъ похочеть волно ему будеть спровадить и отвезти с покоем, кром вшелякое переказы и затрудненья.

А перед роком выйстья аренъды, то есть тых трехъ лѣтъ, мы помененые кн(я)жата Слуцкие сами черезъ себе, черезъ приятел, слуг, бояр и подданых наших в тые имѣнья, в люди, в кгрунты, в пожитки, ни въво што и ни в которую част уступоват и пану Тризне в держанью и в спокойномъ уживанью чинити не маемъ и не будемъ мочи, и овшемъ од каждого такового, хто бы се в тые имѣнья либо в которую част их, в земли, в люди такъ за першими и опослѣдними сего постановеня нашого записами вступовалъ и позвы якие покладалъ, толко за данем вѣдомости от пана Тризны передъ часом недѣль за две до намѣсника нашого слуцкого, от кождого такового, коли кольвек того потреба будет, у кождого права своим власным грошом и накладом боронити и заступовати будем повинъни. И хотя бы штожь колвекъ од тых имѣней а з моцы и з держанья пана Тризнина, буд правне албо и неправне, одышло, так кгрунъты, люди и села, тогды тогожь часу з ыишихъ маетностей имѣней небожьчика брата нашого албо з наших власныхъ нагорожати будемъ винъни тое все, што бы колвекъ он на томъ шкодовалъ.

Гдѣ бы тежь в том часе за держанья пана Тризнина, чого Боже уховай, пригодне в тых именьях, в будованью дворномъ и фолварковомъ, в збожю, в гумне зложономъ и в полю засѣяном, в быдле, в подданых и въ ихъ маетностяхъ и въ инъших яких колвекъ пожиткох з допущеня божего через огон, повод и град, презъ неприятеля и через моровое повѣтрее якое ушкодженье и спустошенье на кгрунты пришло, тогды не толко абы есмо за то за што на пану Тризне албо и потомкох его мѣли правъне и неправъне позысковать и доходить, але о таковой кождой шкоде черезъ посланцы наши взявши вѣдомость и што бы на том шкодовалъ, будемъ повинни з маетности небожчика брата н(а)ш(ог)о нагорожать. А если бы есмо з нее не нагородили, тогды з наших власныхъ маетностей и добръ нагорожати пану Тризне будем повинъни, и ему будеть волно того на насъ доходити, яко власности своее.

А если бы есмо мы, преречоные княжата Слуцкие въ том часе за держанья пана Тризнина в тые имѣнья, в люди, в кгрунты и во штожь колвекъ уступовали и переказу в держанью и в спокойном уживанью его чинили сами черезъ себе албо черезъ когож колвек, такъ тежь и от того, хто бы се з стороны в то вступовал, не борнили и не очистили, и в чомже колвекъ сесь нашъ лист нарушили и ему досыт не учинили, тогды за кождое таковое нарушене его будем винъни заруки заплатить пану Тризне тисечу копъ грошей, а на тот уряд, до которого бы се тая справа приточила, другую тисечу копъ грошей литовъских и въси шкоды и наклады на голое речене слова самого пана Тризны албо умоцованого его, о што ему волно быти мает насъ обудвухъ сполне албо и одного, которого колвекъ онъ похочеть, позъвати до вряду и права кгродского новгородского албо суду земского албо головного трибунального от поданья позву недѣль за чотыри. А мы сами черезъ себе албо черезъ умоцованого нашого, не вымовляючись ниякими причинами правъными и неправными, хоробою своею, сеймом, войною, послугою г(оспо)д(а)ръскою и о болшие наши справы до инѣшого повѣту позваньемъ, перед тым урядомъ, до которого быхмо были позваны, становитьсе, позвов и року не збиваючи, ани от того суду и вряду апелюючи, и не мовечи ничего до сего листу нашого и до прокуратора умоцованого пана Тризнина, который хотяй бы и неосѣлым был, на конец усправедливити се будем винъни; а тот уряд, до которого бы се тая справа приточила, хотяй бы и незуполный был, так за станемъ яко и за нестанем нашим, яко на року завитом, скоро вгленувъши в сее наш лист, тое все, о што колвекъ позвани будемъ, на добрах и маетностях наших, гдѣ колвекъ тутъ у великом кн(я)зстве Литовском лежачих, и гдѣ сам пан Тризна похочеть, всказати и моцную отправу вдѣлати маеть. А и заплативъши тые заруки и шкоды, бы и колко разъ, предсе сее наш лист при зуполной моци захованъ и держанъ быти маеть ажь до выйшьтья аренды тых имѣней трех лѣт. Если бы тежь в том часе перед выйстьем тых трех лѣт тые вышей помененые имѣнья панъ Тризна хотѣлъ кому тым же правом своим пусти(ти) и завести, тогды от ему волно бу-деть завжды учинить. А мы противъ тому, яко и противъ самому пану Тризне во въсем водлугь сего листу нашого заховатисе маемъ и будем винъни, нижли если бы в том часе на нас обудвух албо и одного которого колвек панъ Богь смерть допусти (ти) рачилъ, тогды тому, кому бы то по смерти его належало и при ком бы сее наш лист был, во всем водлугь сего постановенья нашого, на аренъду тых имѣней помененых пану Тризне даного, до зуполного выйштья трех лѣт, яко се вышей описало, вси обовязки и артыкулы в сем листе нашом сполнить и им досы(т) учини(т) будем и будуть винни. И на то есмо дали его млсти пану Петрови Тризне сее наш арендовный лист з нашими печатми и с подписами рукъ нашихъ, писмом полским подписаными. А при том были и того будучи добре свѣдоми за устными и очивистыми прозбами нашими до сего нашого листу печати свои приложили и руками власными подписалисе ихъ млеть панъ Янъ Олепский, панъ Оникей Униховъский, а панъ Янъ Колонтай. Писанъ в Слуцку року от нароженья сына Божьего тисеча пят сот осмъдесят девятого мца генваря осмогонадцать дня.

Szimon ks. Sluczkie reką swą. Alexander ks. Sluczkye reką swą. Ian Olendsky ręką swą. Оникий Униховский рука власна. Ian Kolontay.